Kominn til Íslands eftir fríið með fjölskyldunni. Við kíktum bæði til Gíbraltar og Marokkó og slöppuðum vel af. Fékk þann óvænta heiður að vera boðið upp í dans af magadansmær í Marokkó og gerði mig af fífli fyrir framan bunka af Íslendingum, alltaf gaman að því :-)
Gleðilega páska öllsömul!
Það eina sem ég sakna frá Ísland akkúrat núna er páskaegg! Nú er ég farinn út í búð að kaupa mér súkkulaði. Ég veit að það kemst ekki nálægt Nóa-Síríusi að bragðgæðum en vona það besta. Ég verð að vera fljótur að borða það svo það bráðni ekki í hitanum.
Hér er nefnilega alltaf sólskinsbjart og 27°C hiti. :-)
Fann þetta á einni bloggsíðu. Annars er ég kominn úr frumskógarferðinni og set inn ferðasöguna við fyrsta tækifæri.
Ég hef…
(X) drukkið áfengi
( ) klesst bíl vinar/vinkonu
( ) stolið bíl (foreldranna)
(X) verið ástfangin
(X) verið sagt upp af kærasta/kærustu
(X) faðmað einhvern ókunnugann
( ) verið rekin/n
( ) lent í slagsmálum
(X) læðst út meðan ég bjó ennþá heima hjá foreldrunum
(X) haft tilfinningar til einhvers sem endurgalt þær ekki
( ) verið handtekin/n
(X) farið á blint stefnumót
( ) logið að vini/vinkonu
(X) skrópað í skólanum
( ) horft á einhvern deyja
( ) farið til Kanada
(X) farið til Mexíko
(X) ferðast í flugvél
( ) kveikt í mér viljandi
( ) liðið yfir mig
(X) borðað sushi
(X) farið á sjóskíði
(X) farið á skíði
( ) hitt einhvern sem ég kynntist á internetinu
(X) farið á tónleika
(X) tekið verkjalyf
(X) elskar einhvern eða saknar einhvers akkurat núna
(X) legið á bakinu úti og horft á skýin
(X) búið til snjóengil
(X) haldið kaffiboð
(X) flogið flugdreka
(X) byggt sandkastala
(X) hoppað í pollum
(X) farið í “tískuleik” (dress up)
( ) hoppað í laufblaðahrúgu
(X) rennt mér á sleða
(X) grátið
(X) svindlað í leik
(X) verið einmana
(X) sofnað í vinnunni/skólanum
(X) notað falsað skilríki
(X) horft á sólarlagið
(X) fundið jarðskjálfta
(X) sofið undir berum himni
(X) verið kitlaður
( ) verið rændur
(X) verið misskilinn
(X) klappað hreindýri/geit/kengúru
(X) farið yfir á rauðu ljósi/virt stöðvunaskyldu að vettugi
( ) verið rekin/n eða vísað úr skóla
( ) lent í bílslysi
( ) verið með spangir/góm
(X) liðið eins og ég passaði ekki inn í/þriðja hjól undir vagni
(X) borðað líter af ís á einu kvöldi
(X) fengið deja vu
(X) dansað í tunglskininu
(X) fundist ég líta vel út
(X) verið vitni að glæp
(X) efast um að hjartað segði þér rétt til
( ) verið gagntekinn af post-it miðum
( ) leikið mér berfættur í drullunni
(X) verið týndur
(X) synt í sjónum
( ) fundist ég vera að deyja
(X) grátið mig í svefn
(X) farið í löggu og bófa leik
( ) litað nýlega með vaxlitum
(X) sungið í karaókí
( ) borgað fyrir máltíð eingöngu með smápeningum
(X) gert eitthvað sem ég lofaði sjálfri/sjálfum þér að gera ekki
(X) hringt símahrekk
(X) hlegið þannig að gosið frussaðist út um nefið á þér
(X) stungið út tungunni til að ná snjókorni
(X) dansað í rigningunni
( ) skrifað bréf til jólasveinsins
( ) verið kysst/ur undir mistilteini
(X) horft á sólarupprásina með einhverjum sem þér þykir vænt um
(X) blásið sápukúlur
( ) kveikt bál á ströndinni
(X) komið óboðin/n í partý..
(X) verið beðin/n um að yfirgefa partýið sem þú komst óboðin/n í
(X) farið á rúlluskauta/línuskauta
(X) fengið einhverja óska minna ræst
( ) farið í fallhlífastökk
(X) fengið haldið óvænt boð fyrir mig
(X) gert mig af þvílíku fífli fyrir framan fullt af fólki
(X) farið nakin í sund
( ) rennt þér á grasinu á snjóþotu
(X) logið fyrir vini þína
( ) fengið sms frá einhverjum sem þú veist ekkert hver er og byrjað að spjalla við manneskjuna
Jæja, slenið búið og best að koma sér af Klakanum áður en maður nær sér í fleiri pestir. Búinn að kaupa miða til Boston á laugardaginn, síðan er planið að kíkja á félaga í NYC áður en ég held til Xela í Gvatemala til að halda áfram spænskunáminu. Þá fer maður vonandi í skrifgírinn aftur.
Mættur á klakann og rétt að komast á fætur eftir leiðindaflesnsu. Man ekki eftir að hafa legið jafn illa fyrir og núna, með hátt í fjörutíu stiga hita. Eins gott að maður er á hótel mömmu og ekki í einhverjum bjálkakakofa í raka og hita.
Á eitthvað af sögum og myndum handa ykkur sem ég dembi inn við tækifæri áður en ég skelli mér út aftur.
Gleðileg jól, kæru vinir, fjölskylda og aðrir!
Takk kærlega fyrir að hafa verið svona dugleg að skoða síðuna mína.
Myndirnar frá Tortugero eru komnar inn í myndbloggið.
Hér getið þið skellt inn kveðju til mín.
Hafið það svo gott um jól og áramót og gerið ekkert sem ég myndi ekki gera (eða öfugt). :-)
Myndirnar frá Osa skaganum eru komnar inn í myndabloggið. Myndirnar frá Tortugero eru í vinnslu og koma væntanlega inn á morgun.
Fyrir fótboltaáhugamenn er gott að vita að Saprissa (eitt helsta liðið hér) keppir við Líferpúl á fimmtudaginn í Japan. Ég hef séð Saprissa spila og þetta er eina liðið hér sem mér finnst spila almennilega fótbolta.
Myndirnar frá Gvatemala eru allar komnar inn í myndabloggið með fullt af textum. Búin að vera nokkuð þung vika við að gera ekki neitt.
Veðrið er náttúrulega frábært, eins og alltaf þó maður þurfi nú að vera með tvö teppi á nóttunni.
Ég er búinn að fá nýjan kennara og það er ágætis tilbreyting. Það er haldið áfram að troða inn í hausinn á mér nýjum fróðleik sem ég þarf að æfa mig á.
Kem til með að fara til Puerto Jimenez nú um helgina, þar sem ég gisti á kakóbúgarði. Mér þykir súkkulaði gott svo það er aldrei að vita nema að ég setjist þarna að :-)
Spænska er svo sem ekkert auðvelt tungumál. Það inniheldur alls kyns beygingar og læti, svipað og þýskan og íslenskan. Ég lærði spænsku fyrst á 9 vikna kvöldnámskeið fyrir 12 árum í Miami (mig minnir að það hafi verð 1x í viku frekar en 2x). Ég byrjaði svo að rifja upp í ágúst og byrjaði hjá Mími í september í Spænsku III.
Áður en ég byrjaði hjá Mími kunni ég bara að tala í nútíð, en hjá Mími lærði ég auk þess framtíð og núliðna tíð, sem er báðar tiltölulega einfaldar (nota hjálparsagnirnar ir (að fara) með nafnhætti og haber (að hafa) og lýsingarhætti þátíðar af sögninni. Á Spáni er notkun á núliðin tíð víst mjög algeng, en í rómönsku ameríku nota þeir frekar venjulega þátíð (sem til að einfalda hlutina er til með mismunandi beygingar efir því hvort um er að ræða s.k. ákveðna eða óákveðna þátíð; ekki spyrja mig hver munurinn er a.m.k. ekki strax).
Hér er ég búinn að vera á hraðferð í gegnum grunnorðaforða og málfræði og námið er þannig uppsett að það fer fram með samtölum í kennslustundum, auk þess sem ég fæ heimaverkefni í málfræði og fleiru. Þar hefur s.s. ekki mikið bæst við nýtt utan lýsingarhátts nútíðar og um notkun afturbeygðra sagna.
Heimaverkefnin er venjulega skrifleg, en skemmtilegasta heimaverkefnið var að spyrja fólk á förnum vegi hvort það reykti, tryði á Guð, væri ósynt o.s.frv.
Fyrst vikan er búin að vera ansi erfið, bæði hef ég átt erfitt með að aðlaga mig að tímamismuninum, auk þess að vera alltaf dauðþreyttur eftir mikla einbeitingu yfir daginn (hvoru tveggja hjálpast að). Loksins í gærkvöldi fannst mér eins og ég væri orðinn eins og ég á að mér að vera, held að gönguferðirnar í Monteverde hljóti að hafa hjálpað til.
Húsfaðirinn Don Elliot er duglegur að ræða heimsmálin við mig og veit töluvert mikið um Evrópu og gervalla Ameríku og hann er ótrúlega þolinmóður að útskýra fyrir manni eitthvað sem maður skilur ekki. Hann hefur líka skoðanir á alls kyns málum eins og t.a.m. misskiptingu tekna í heiminum. Þetta er fín æfing fyrir mig í að hlusta og skilja.
Þó svo að manni finnist að maður kunni ekki neitt í spænsku og opni yfirleitt munninn til að segja stuttar og einfaldar setningar og hvái einstaka sinnum við stuttum, einföldum setningum þá getur maður líka átt það til að romsa út úr sér heilu ræðunum þannig að þær skiljast.
Það tekur á að læra nýtt tungumál, en eina leiðin til að gera það almennilega er að sökkva sér ofan í það. Manni hefur alla vega farið þó nokkuð fram á einni viku og ég held ennþá í þá von mína að ég verði farnn að babbla almennilega fyrir jól. Leiðin verður ekki bein og greið. Enginn leiði, enginn ... ! (á einhver þýðingu á "no pain, no gain" ?)
p.s. Ég ætlaði að skrifa um helgarferðalagið, en er í smá vandræðum með að koma myndum inn á netið, svo það bíður kvöldsins eða morgundagsins. (ath. tímamismunurinn er 6 tímar á eftir m.v. hvað bloggið sýnir)p.s.s. Titillinn "voy a caminar (en pasado)" vísar til algengrar reddingar spænskunema, en þá segjast þeir "ætla að labba (í þátíð)" !
Velkominn í bloggið mitt. Þetta er ennþá síða í vinnslu. Ykkur er velkomið að fikta. Kringum 20. október verð ég farinn að blogga og skrifa eigin ferðasögur og ævintýri, en þangað til verður eldra bloggið mitt fært hingað og bloggið snurfusað þar til það er orðið fullkomið (eins og hægt er).
Allar athugasemdir eru vel þegnar. 
