Styttist í ferðina
Þá er ég kominn í frí og loksins hægt að setja allt á fullt í undirbúningnum. Það verður nóg að gera að pakka á næstu dögum og ég er að sjá fyrir endann á þessu sem betur fer. :)
Var að ganga endanlega frá myndaalbúminu úr færeyjaferðinni í myndablogginu. Ég ætla að reyna að fylla upp í tímabilið ágúst og september með 2-3 pistlum ef ég hef tíma næstu daga. Alltaf gaman að heyra frá fólki og sjá að einhverjir eru að lesa þetta blogg. Ég vona að þetta verði í senn fræðandi og vekji áhuga hjá fólki fyrir ferðalögum og menningu. Ég er alla vega sjálfur mjög spenntur fyrir því hvað ég á eftir að upplifa. Ég byrja á að læra spænsku á Kostaríka en eftir áramót ætla ég að leggja land undir fót og halda suður á bóginn. Margir staðir sem mig langar að heimsækja, en ég ætla að plana sem stutt fram í tímann í einu.
