Allt að verða klárt
Ég á að fljúga út 3. nóvember og mun stoppa hjá frænda mínum í Boston, en verð kominn til San José í Kostaríka 6. nóvember. Ég byrja svo í spænskunáminu daginn eftir.
Var að fá upplýsingar um fjölskylduna sem ég bý hjá fram að áramótum. Það eru hjón með 12 ára gamla dóttur. Hann er hættur að vinna og hún er heimavinnandi. Maður er svo sem ekkert vanur að búa inn á bláókunnugu fólki, en það verður lærdómsríkt að fylgjast með lífi þessarar rómönsku fjölskyldu, sem vafalaust á eftir að kenna manni mikið.
Maður hefur bæði verið að takast á við spennu- og kvítarilfinningu en nú er spennan og tilhlökkunin búin að taka yfir.
Ef þið þekkið einhvern sem vantar góðan BMW 318i árgerð 98, kíkið þá í Fréttablaðið á morgun, laugardag. Ég á eftir að sjá á eftir honum.
Ummæli
Er bíllinn góður?
Skráð af: Björn Friðgeir | 28.10.05 14:41
Að sjálfsögðu! Toppeintak og einstaklega vel með farinn
Eins og eigandinn!
Skráð af: Markús | 29.10.05 12:20
Kannske soltið við aldur. Svona eins og ei... nei segi bara sona
Skráð af: Björn Friðgeir | 29.10.05 16:53
Það tíðkast víst í suður Ameríku að drekka froska !
Rauðeygði froskurinn er örygglega fínn í þeytarann.
Skráð af: Ketill | 30.10.05 17:50
Mikið rétt Ketill! Ég man ekki í hvaða tilgangi það er gert, en einhvers staðar finnst mér ég hafa heyrt að froskasjeik væri góður fyrir heilann! Altént er hann einnig mikilvægt hráefni skv. hinn rammíslensku bók Ástargaldrar, en erfitt getur reynst að finna þetta hráefni hér.
Skráð af: Markús | 01.11.05 13:10